باستغرب لما أشوف الأهل بيعاقبوا ابنهم الصغير علشان بيعيط
ودايما نسمع منهم الجملة دي :
" انت راجل ما تعيطش " !!
وكأن الولد لازم تكون مشاعره جامدة
ويكون معندوش أحاسيس
أنا في رأيي
أن المشاعر الأنسانيه بتظهر معها الدموع بلا اراده
سواء كان الانسان رجل أو امرأة
المرأة أو البنت لما بتكون متضايقه بتعيط وممكن نصرخ
يعني بتفرغ كل طاقتها المكبوته دي أول بأول
( وطبعا تنكد علي كل اللي حواليها مش مشكله)
ودي حاجه كويسه وصحية
لان الدموع ليها فوايد كتير ...
بتحمى من الإصابة بالأمراض النفسية
و بتفرغ شحنات الانفعال الزائده
و بتساعد على إعادة التوازن لكيمياء الجسم
والأبحاث أثبتت أن النساء يبكين أكثر من الرجال
بأربعة أضعاف ويتمتعن بكل فوائد الدموع
وليس هذا موضوعي
بل اتحدث عن
دموع الرجال ،
هل هي ظاهرة إنسانية طبيعيه أم علامة ضعف؟
الرجل أحيانا يكبت دموعه خوفا من نظره المجتمع له
( وهي نظره غير عادله من وجهه نظري )
ويفضل أن يبكي بعيدا عن الأنظار
وناس كنير بيعتقدوا دموع الرجل ضعف
خاصه اذا كانت من أجل أنثي
من الجميل أن يتحرر الرجل من قيود المجتمع
وييسيب دموعه تنزل بكل رقه
لأن الدموع تنفيس عن مشاعر مكبوتة..
ولكن بعض الرجال يكابر عن ذرف الدموع
بحجة ألا يفقد رجولته أو تنتقصه امرأة